經歷詳述:
其中一隻眼運動受傷入急症，之後搵葉醫生睇，去到第三次複診受傷隻眼已經穩定地好轉，我一入房佢已經問我冇受傷隻眼做唔做laser防視網膜脫落手術，完全冇理我受傷隻眼進度，我問佢點解又問有冇咁嘅急切性，佢話你啱啱受傷嗰兩個月好關鍵，但係其實我係只有一隻眼小範圍受傷，唔係成個頭撞到受傷，另外隻眼冇影響，我問佢我隻冇受傷嘅眼係乜嘢問題要做手術，佢同我講係格子狀退化，我問佢係咩，佢竟然將佢賣廣告嗰啲相開俾我睇，而唔係我自己冇受傷眼嘅相，跟住逼到我埋牆要我下次複診嘅時候做埋，同我講個手術好短， 15分鐘就走得，唔會影響我返工、之後出差，我覺得好唔妥，即刻搵多個私家醫生攞second opinion，第二個醫生睇完話個手術無必要，佢仲話你受傷隻眼當時視網膜都冇脫落要做手術，你冇受傷嗰隻眼就更加冇必要做，之後我無再返去葉醫生度。請問醫德何在？
簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 本人絕對不會再作光顧